Sobre
FSIE Galicia.

Quen somos

A Federación de Sindicatos Independentes da Ensinanza de Galicia (FSIE-GALICIA) somos unha organización sindical que nace aló polo 1985, sendo o noso ámbito de actuación a Comunidade Galega e intégrana:

SPE

Sindicato Profesional da Ensinanza (A Coruña).

SIELU

Sindicato Independente de Ensinanza de Lugo.

SIEO

Sindicato de Independentes da Ensinanza de Ourense.

ASIEPO

Asociación Sindical Independente da Ensinanza de Pontevedra.

Á súa vez, estamos integrados na FSIE (Federación de Sindicatos Independientes de Enseñanza del Estado Español), 1ª forza sindical, a nivel nacional, no sector da ensinanza concertada, con representación significativa ademáis, no resto de convenios como o da ensinaza privada, atención a persoas con discapacidade, educación infantil, universidades, colexios maiores,...

O que nos define

Un gran grupo de profesionais e afiliados loitando polos dereitos dos traballadores da ensinanza.

Somos

Independentes

A FSIE-GALICIA somos unha organización sindical INDEPENDENTE dos Partidos políticos, das Organizacións patronais, do Goberno, das Administracións públicas e de calquera outra Entidade, Grupo ou Asociación allea ós intereses dos traballadores da ensinanza privada e como verdadeiros coñecedores do sector, loitamos pola defensa dos nosos intereses, así como pola LIBERDADE DE ENSINANZA.

Acadamos

Primeira forza sindical

A FSIE-GALICIA, vertebrada polos liberados, afiliados, delegados, candidatos, colaboradores e simpatizantes, ímonos afianzando cada vez máis como primeira forza sindical na nosa Comunidade Autónoma: O que anos atrás podía ser visto como unha utopía, hoxe, para ledicia nosa, estase a converter nunha realidade.

Estamos

Sempre presentes

Isto posibilita que a FSIE-GALICIA esteamos presentes na Comisión autonómica da Tripartita do Ensino Privado Concertado (CTEPC), nas de Concertos (na maioría das provinciais), nas de Gratuidade,..., así como tamén nas negociacións e posibles sinaturas dos distintos Acordos a acadar coa Administración autonómica que afecten á Ensinanza privada e ós seus traballadores: analoxía retributiva, incremento de Equipos docentes, acumulación das horas de lactancia, Paga de 25 anos...

En definitiva, a FSIE-GALICIA somos unha Organización na que todos os seus membros temos como máxima “A IGUAL TRABALLO, IGUAL SALARIO” e como obxectivo a consecución da DIGNIFICACIÓN SOCIAL E LABORAL de todos os traballadores da ensinanza privada.
Somos un sindicato creado por e para as traballadoras e os traballadores da ensinanza privada e concertada.
Por iso, si eres un profesional da ensinanza concertada ou privada, invitámoste a visitar este sitio e coñecer as últimas novidades do sector que máis che poidan interesar.

Desde FSIE GALICIA, grazas pola túa confianza.

 LOITANDO 
 POLA  TÚA   
 PROFESIÓN 
 do ENSINO.