Resolución, do 22-05- 2020, da Consellería de Educación, Universidade e Formación Profesional pola que se reinicia a actividade lectiva presencial no curso 2019-2020, se determinan as instrucións para o que resta do presente curso e se adoptan medidas de prevención e hixiene para a reapertura parcial nos centros de ensino non universitario dependentes da Consellería.

Foi publicada no Boletín Oficial do Estado a Orden SND/422/2020, de 19 de mayo, por la que se regulan las condiciones para el uso obligatorio de mascarillas durante la situación de crisis sanitaria ocasionada por el COVID-19.

A partir de hoxe será obrigatorio o uso de máscaras, preferentemente hixiénicas e cirúrxicas, para os maiores de seis anos sempre que non sexa posible manter a distancia de seguridade de polo menos 2 metros. Esta premisa será aplicable na vía pública, espazos ao aire libre e espazos pechados de uso público ou abertos ao mesmo.

Na orde establécense excepcións para persoas con dificultades respiratorias, que poidan verse agravadas polo uso da máscara, por motivos de saúde ou discapacidade que fagan inviable o seu uso, en actividades nas que pola súa natureza sexa inviable e outras causas de forza maior.

Será o mércores 20 de maio de 12:00 a 13:00 e de 18:00 a 19:00 co hashtag #paremoslaleyCelaá

A primeira "Quedada dixital" do pasado 4 de maio en Twitter tivo unha repercusión excepcional, logrando ser tendencia en España con máis de 100.000 tuits. Á vista de que o Goberno segue facendo oídos xordos ao clamor popular contra a tramitación da Lei Celaá durante a peor pandemia que viviu España e o mundo nos últimos 100 anos, a Plataforma Concertados, promove outra "Quedada" para o vindeiro mércores 20 de maio.

O Goberno e os partidos que o sustentan manteñen a súa intención de acelerar a tramitación da LOMLOE nun momento no que a pandemia COVID-19 subStrae á comunidade educativa o san e democrático debate que debe acompañar á aprobación de toda lei, especialmente nun asunto tan importante como o educativo.

O pasado 7 de maio, FSIE enviou unha carta ao Presidente do Goberno, Pedro Sánchez, esixindo a aprobación dun Plan específico para o sector da Educación Infantil de 0-6 anos co fin de garantir a continuidade dos centros.

Desde que se decretou o estado de alarma estes centros cesaron a súa actividade completamente co impacto que iso tivo nos seus ingresos e nos seus persoais, compostas por mulleres en máis dun 90%, que sufriron despedimentos ou ERTES. Despois de semanas nesta situación, o Goberno expón a súa apertura para facilitar a conciliación laboral e familiar sen ter en conta que desde o comezo da crise sanitaria o sector non recibiu ningunha axuda específica e que o distanciamento social e as medidas de prevención que dita Sanidade son imposibles de levar a cabo con nenos de 0 a 6 anos.

Tras a demanda de varias CCAA, a ministra Isabel Celaá comprometeuse a enviar dous documentos de recomendacións sanitarias para a reapertura parcial dos centros educativos e o desenvolvemento das probas ABAU.

O alumnado galego de 2º curso de Bacharelato e de 2º curso de ciclos Medio e Superior de Formación Profesional poderá volver ás aulas de xeito voluntario a partir do vindeiro 25 de maio. A decisión tomouse logo da Conferencia Sectorial de Educación, presidida hoxe pola ministra Isabel Celaá, e na que houbo un consenso maioritario en que unicamente se retomen as clases nos cursos superiores que titulan.

Seguir lendo

A terceira Conferencia Sectorial de Educación, desde que se declarase o Estado de Alarma, concluíu coa creación dun grupo de traballo conxunto do Ministerio de Educación y Formación Profesional e as Comunidades Autónomas cuxo obxectivo principal será a planificación do próximo curso escolar 2020-21.

Na reunión telemática, presidida pola ministra Isabel Celaá, participaron os conselleiros e conselleiras autonómicos ademais de Alejandro Tiana, Secretario de Estado de Educación, Clara Sanz , secretaria xeral de Formación Profesional, e o subsecretario de Educación e FP, Fernando Gurrea.