O pasado venres catro de decembro, FSIE e as demais organizacións sindicais e patronais con representación na ensinanza concertada asistimos vía videoconferencia á reunión da Comisión Tripartita da Ensinanza Concertada (CTEPC). Fomos convocados  dous días antes coa mesma orde do día que todos os anos:

Lectura e aprobación da acta da reunión do 13 de novembro de 2019.

Informacións varias.

·Achegas.

O pasado 30 de novembro tivo lugar a última reunión da Mesa Negociadora do XII Convenio Colectivo de Ámbito Estatal de Centros de Asistencia y Educación Infantil co obxectivo de seguir negociando a aplicación da Disposición Final cuarta e Salario Mínimo Interprofesional (SMI).

A patronal rexeitou todas as diferentes propostas presentadas polos sindicatos para actualizar as táboas negándose a adaptar as táboas ao SMI e mantendo a diferenza salarial das Educadoras. Como solución insisten na súa proposta de asinar un acordo que sinale que o salario anual non poderá ser inferior a 13.300€ para todas as categorías.

Representantes da Plataforma Más Plurales, da que forman parte sindicatos, asociacións de familias, empresas do sector e diferentes organizacións educativas, rexistraron esta mañá no Senado as emendas dirixidas aos Grupos Parlamentarios que van debater a Ley Celaá, tras o seu vertixinoso e exprés paso polo Congreso dos Deputados, onde non se permitiu a participación no debate parlamentario á comunidade educativa, como foi o normal nas últimas leis de educación.

A Plataforma Más Plurales presenta estas emendas cun sentido construtivo e co fin de mellorar o articulado da LOMLOE para adaptalo ao sentido e ao contido que, con palabras da Ministra, di que ten esta Lei, onde non cambia nada e onde se respecta, outra vez con palabras da Ministra, a liberdade de elección das familias e garántese a existencia dos centros de Educación Especial.

Na rolda de prensa celebrada hoxe, 3 de decembro, a Plataforma Más Plurales volveu a afirmar que a Ley Celaá é unha lei innecesaria, partidista, que se fixo ás costas da comunidade educativa, que nin sequera puido manifestar a súa opinión durante a tramitación parlamentaria, como adoita ser habitual. A Ley Celaá aprobouse no Congreso dunha maneira exprés e sen buscar en ningún momento nin o consenso nin a posibilidade de alcanzar un Pacto de Estado pola Educación que a sociedade tanto demanda. Para a Plataforma, aínda hai tempo para cambiar as cousas.

A Plataforma Más Plurales reiterou a súa oferta de diálogo ao presidente do Goberno e á Ministra de Educación co fin de cambiar e mellorar unha Lei que no canto de axuntar opinións e buscar o mellor para o alumnado e as súas familias, provocou unha profunda fractura na sociedade española. Para a Plataforma, a Ley Celaá non aborda os auténticos problemas da educación española, como son o fracaso escolar e a mellora real da igualdade de oportunidades. Peor aínda, todo aquilo que agora mesmo está a funcionar con normalidade no noso sistema educativo, cuestiónao e modifica. Para Más Plurales, agora mesmo non hai ningún problema nin coa Ensinanza Concertada, nin coa Educación Especial, nin coa materia de Relixión.

A Federación de Sindicatos Independientes de Enseñanza súmase un ano máis á celebración do Día internacional das Persoas con Discapacidade co fin dar visibilidade aos dereitos das persoas con discapacidade e concienciar sobre o seu papel esencial na construción dunha sociedade máis igualitaria e inclusiva.

O Día internacional das Persoas con Discapacidade foi declarado en 1992 pola Asamblea General de las Naciones Unidas e instaurouse co obxectivo de promover os dereitos e o benestar das persoas con discapacidades en todos os ámbitos da sociedade e dar a coñecer a súa situación en todos os aspectos da vida política, social, económica e cultural. Este ano o tema elixido polo seu órgano impulsor enmárcase na Agenda 2030 e é a "Participación e o liderado das persoas con Discapacidade", centrándose no empoderamento das persoas con discapacidade como cuestión esencial para lograr un desenvolvemento das sociedades inclusivo, equitativo e sustentable que facilite a consecución do dezasete Obxectivos de Desenvolvemento Sustentable (ODS).

Este 27 de novembro, Día do Mestre, a Federación de Sindicatos Independientes de Enseñanza quere homenaxear a todas as mestras e mestres recoñecendo a importancia do traballo que desempeñan e agradecendo a súa vocación e compromiso. Coa Campaña "Porque a vosa pegada marca o principio do camiño Grazas Maestr@s!" preténdese ademais pór de relevo o gran impacto e influencia que ten o labor docente nos primeiros anos de vida.

Esta xornada conmemorativa está dedicada aos docentes españois e celebra o patrón dos profesores, San José de Calasanz, sacerdote, pedagogo e considerado o precursor da educación moderna como fundador da primeira escola cristiá popular e gratuíta de Europa.