FSIE alcanzou un novo acordo de colaboración con Unimel Educación, entidade especializada en formación para o sector educativo, que pón a disposición dos nosos afiliados interesantes descontos na súa área Educathink.
O pasado mes de decembro a Asamblea General de las Naciones Unidas proclamou o 24 de Xaneiro como o Día Internacional da Educación recoñecendo así a importancia da Educación para alcanzar a súa “Agenda 2030 para el Desarrollo Sostenible”. Dentro deste conxunto de obxectivos de desenvolvemento sustentable e metas universais centradas nas persoas, a organización quere destacar o rol fundamental que xoga a educación como dereito humano, ben público e responsabilidade colectiva.
FSIE súmase a esta iniciativa coa campaña “A educación é un dereito e unha responsabilidade de todos. Por unha educación de calidade, inclusiva e equitativa” co claro obxectivo de lembrar á sociedade que é un dos alicerces fundamentais para o desenvolvemento do tecido social que conformará as comunidades do futuro.
Coa publicación da Ley 6/2018 de 3 de julio de Presupuestos Generales del Estado para el año 2018 quedaba establecida unha nova dedución adicional á existente por maternidade para todos aqueles traballadores que incorresen ao longo do ano en gastos pola custodia do fillo menor de tres anos en gardarías ou centros de educación infantil autorizados. Esta dedución, de ata 1.000 euros, poderá incluírse na cota diferencial do IRPF ao presentar a declaración de 2018, entre os meses de abril e xuño deste ano.
A iniciativa, promovida polo equipo de investigadores USCAN3D da Universidade de Santiago de Compostela (USC), segue fiel ao seu obxectivo fundamental de achegar as disciplinas STEAM (Ciencia, Tecnoloxía, Enxeñaría, Arte e Matemáticas) aos estudantes dunha forma lúdica. Nesta sétima edición poderán participar mozas de entre 13 e 18 anos de máis de 800 centros escolares de 45 países diferentes.
A sesión celebrada onte, 8 de xaneiro, revela que non existe o necesario consenso nesta contrarreforma educativa que defende a ministra de Educación y Formación Profesional, Isabel Celaá. O informe presentado pola Comisión Permanente ante o Pleno, foi aceptado por unha exigua marxe de dous votos.
A maioría de organizacións destacaron o seu rexeitamento ás formas e ao procedemento seguido polo Ministerio na tramitación do seu Anteproyecto de Ley. O Pleno aprobou 120 emendas presentadas por distintas organizacións e, contrariamente ao manifestado polo Presidente do Consejo Escolar del Estado e polo propio Ministerio no seu comunicado de prensa, as emendas que se nos rexeitaron non pretendían continuar co espírito da LOMCE, senón mellorar o texto a partir do consenso e buscando acordos básicos.
Seguimos traballando para que no debate parlamentario se poidan alcanzar amplos consensos que melloren o Sistema Educativo.
FSIE mostrou a súa oposición ao anteproyecto de reforma educativa exposta polo Ministerio de Educación na sesión do Pleno do Consejo Escolar del Estado celebrada no día de hoxe.
O Secretario General de FSIE, Javier Muñoyerro, sinalou na súa intervención que o sindicato discrepa tanto co contido do actual texto, que recolle propostas que prexudican especialmente á ensinanza concertada e á liberdade de ensinanza, como coas formas nas que o Ministerio de Educación está a levar a cabo esta reforma que responde a un interese ideolóxico, electoral e partidista e non a unha urxencia do sistema educativo.
Temos 171 anónimos e ningún membro en liña
