Tras a demanda de varias CCAA, a ministra Isabel Celaá comprometeuse a enviar dous documentos de recomendacións sanitarias para a reapertura parcial dos centros educativos e o desenvolvemento das probas ABAU.

O alumnado galego de 2º curso de Bacharelato e de 2º curso de ciclos Medio e Superior de Formación Profesional poderá volver ás aulas de xeito voluntario a partir do vindeiro 25 de maio. A decisión tomouse logo da Conferencia Sectorial de Educación, presidida hoxe pola ministra Isabel Celaá, e na que houbo un consenso maioritario en que unicamente se retomen as clases nos cursos superiores que titulan.

Seguir lendo

A terceira Conferencia Sectorial de Educación, desde que se declarase o Estado de Alarma, concluíu coa creación dun grupo de traballo conxunto do Ministerio de Educación y Formación Profesional e as Comunidades Autónomas cuxo obxectivo principal será a planificación do próximo curso escolar 2020-21.

Na reunión telemática, presidida pola ministra Isabel Celaá, participaron os conselleiros e conselleiras autonómicos ademais de Alejandro Tiana, Secretario de Estado de Educación, Clara Sanz , secretaria xeral de Formación Profesional, e o subsecretario de Educación e FP, Fernando Gurrea.

Onte, 13 de maio de 2020, tivo lugar unha videoconferencia na que participaron a Conselleira de Educación xunto cos Directores Xerais de Educación, de Innovación Educativa e mais de Recursos Humanos, as Confederación galegas de Asociacións de Pais e Nais (CONFAPA, CONGAPA e ANPA) e as Organizacións sindicais do ensino non universitario (FSIE, ANPE, CCOO, CIG, CSIF, FeSP-UGT, FEUSO, STEG e USDG-CUT).

Na súa intervención a Conselleira foi breve pois a súa pretensión era recoller as suxestións dos participantes na mesma, de cara á videoconferencia que terá lugar mañá voves 14 de maio entre as distintas Consellerías do Estado.

Publicouse no Boletín Oficial do Estado o Real Decreto-ley 18/2020, de 12 de maio, de medidas sociales en defensa del empleo que establece novas condicións na aplicación dos Expedientes de Regulación Temporal de Emprego, entre outras.

A normativa establece a prórroga dos ERTE por forza maior para aquelas empresas que o teñan autorizado en base ao artigo 22 do Real Decreto-ley 8/2020, de 17 de marzo e non poidan renovar a actividade por manterse vixente a causa ou causas que o motivaron mentras duren as mesmas e en ningún caso máis aló do 30 de xuño.

Ademais, permítese ás empresas iniciar con posterioridade á entrada en vigor deste Real Decreto-Ley, e ata o 30 de xuño de 2020, un ERTE por causas económicas, técnicas, organizativas e de produción, rexéndose polo establecido no art. 23 do Real Decreto-ley 8/2020 con condicións específicas.

Publicouse hoxe no Boletín Oficial do Estado a Orden SND/399/2020, de 9 de maio, para a flexibilización de determinadas restricións de ámbito nacional, establecidas tras a declaración do estado de alarma en aplicación da fase 1 do Plan para a transición cara a unha nova normalidade.

Nela establecer que, naqueles territorios que pasasen á Fase 1, os centros educativos poderán reabrir para a súa desinfección e para realizar tarefas administrativas. No seu artigo 18 indica que durante a realización destas tarefas, deberá garantirse unha distancia física de dous metros entre traballadores e que será responsabilidade dos directores dos centros educativos determinar o persoal docente e auxiliar necesario para levar a cabo ditas tarefas, garantir que se adoptan as medidas de limpeza e desinfección adecuadas e prover aos traballadores do material de protección necesario.

Desde o comezo da crise sanitaria as administracións insistiron na maior incidencia do virus nos denominados grupos de risco. O Ministerio de Inclusión, Seguridad Social y Migraciones, nunhas instrucións aclaratorias, definiu como grupos vulnerables para COVID-19 aos efectos dun posible parte de baixa ás persoas que presentan patoloxías cardiovasculares, hipertensión arterial, diabetes, enfermidade pulmonar crónica, inmunodeficiencias, procesos oncolóxicos en tratamento activo, mulleres embarazadas e maiores de 60 anos.

Ante a posible volta aos centros de traballo nos próximos días consideramos imprescindible aclarar quen pode obter a baixa por esta condición, cal é o proceso e, sobre todo, que facer en caso de non obter o recoñecemento de traballador especialmente sensible a pesar de selo.